Први дипломи за магистерските студии
Институтот за комуникациски студии ги додели првите дипломи за завршени магистерски студии на магистрите кои ги одбранија нивните трудови во текот на оваа и минатата година. Татјана Митевска, Верица Јорданова, Кристина Георгиева и Верица А. Спасовиќ се стекнаа со научното звање „магистер по менаџирање на стратегиски комуникации“, додека Меваип Абдиу со звањето „магистер по менаџирање на медиуми и мултимедија“. Нивните магистерски работи се директно применливи за решавање на специфични професионални предизвици и за воведување промени во областа на комуникациите и медиумите.
ИКС дел од иницијативата на граѓанското општество за спроведување на итни демократски реформи
Група експерти и граѓански организации, меѓу кои и Институтот за комуникациски студии ИКС подготвија Предлог за итни демократски реформи кои имаат цел да ги вратат демократските стандарди и вредности во Македонија, враќајќи ја така и довербата на граѓаните во клучните државни институции.
Судиите не се конзистентни во одлучувањето во спорови од јавен интерес
Судиите не постапуваат конзистентно во случаи од јавен интерес, и го чуваат угледот на неколку функционери наместо јавниот интерес. Бројот на квалитетни судии константно се намалува. Македонија има инфлација на судии, но истовремено и многу бавна, но и скапа правда. Ова се само некои од заклучоците од дебатата „Судовите: чувари на јавниот интерес или на поединечни интереси“, на којашто учествуваа околу 60 претставници на судството, адвокатурата, медиумите, невладините организации, академската заедница и јавната администрација.
Новинарството е алатка за остварување на политички и бизнис интереси
Медиумите не ја извршуваат својата основна функција – да бидат коректори на власта и балансирано да ја информираат публиката, посочија новинарите и учесниците на настанот. Медиумите во Македонија се заложници на политичките и бизнис интересите на нивните сопственици, а новинарството е само алатка за остварување на тие интереси.
Промовиран е Прирачникот за јавен интерес во новинарството
Прирачникот е во тесна корелација со искуствата и потребите на медиумите и новинарите во Македонија, етичките новинарски кодекси и политики за работа во навлијателните медиумски куќи во светот. Тој соодветствува и со домашната и странската регулатива која третира етичко и професионално информирање. Во него се наведени критериуми за утврдување на јавниот интерес во новинарството, а прв пат се воведува концептот за Тест за јавен интерес во новинарството. Автори се Весна Шопар, Сефер Тахири, Зоран Димитровски и Александра Теменугова.