Први дипломи за магистерските студии
Институтот за комуникациски студии ги додели првите дипломи за завршени магистерски студии на магистрите кои ги одбранија нивните трудови во текот на оваа и минатата година.
Татјана Митевска, Верица Јорданова, Кристина Георгиева и Верица А. Спасовиќ се стекнаа со научното звање „магистер по менаџирање на стратегиски комуникации“, додека Меваип Абдиу со звањето „магистер по менаџирање на медиуми и мултимедија“. Нивните магистерски работи се директно применливи за решавање на специфични професионални предизвици и за воведување промени во областа на комуникациите и медиумите.
Во текот на студиите и со изработката на магистерските работи, петмината магистри на ИКС стекнаа знаења и компетенции кои ќе им помогнат да бидат иновативни професионалци, водачи на креативни тимови и лидери за создавање и одржување на комуникациските промени во нивните организации. Стекнатото знаење ќе им овозможи целосно да одговорат на професионалните предизвици и да ги искористат придобивките од пазарот.