Обуки за развивање претприемачки вештини
Институтот Изида Вита од Словенија и Институтот за комуникациски студии во соработка со Младински културен центар Битола (МКЦ) и Младински образовен форум (МОФ) во април ќе организираат три обуки за развивање претприемачки вештини за млади и за претставници на граѓански организации. Обуките ќе имаат за цел да ја подигнат свеста за балансираното учество на жените и мажите на водечки позиции во бизнисот и невладиниот сектор, како и да ги обучат младите да стекнат вештини со кои ќе бидат поконкурентни на пазарот на труд.
Започнува кампањата за подобра животна средина „Не игнорирај! Реагирај!“
Иако граѓаните се повеќе еколошки свесни, а јавните институции ги препознаваат еколошките прашања како актуелни, проблемите од животната средина не се решаваат стратешки. Додека граѓаните критикуваат и дискутираат главно на социјалните мрежи, институциите не носат ефикасни решенија за подобрување на животната средина и не се транспарентни во креирањето и спроведувањето на политиките.
Покана за почеток на кампањата „Не игнорирај! Реагирај!“
Институтот за комуникациски студии Ве кани заедно да ја започнеме кампањата од јавен интерес за подобра животна средина „Не игнорирај! Реагирај!“. Претставувањето на кампањата ќе биде во вторник (5 март) во 11 часот во Клуб-ресторанот МКЦ во Скопје.
ИКС развива две меѓународни онлајн програми MicroMasters
Институтот за комуникациски студии (ИКС) почнува да развива две меѓународни онлајн програми MicroMasters за (1) Претприемнички и иновативен екосистем и (2) Дигитални комуникации и маркетинг. Програмите ќе бидат креирани во соработка со Истанбул универзитетот од Турција, Универзитетот Витаутас Магнус од Литванија и со ДОБА бизнис школата од Словенија, во рамките на проектот MASTER@HOME кој е финансиран од Програмата ЕРАСМУС+ на Европската Унија.
Трката со времето притиска врз квалитетното новинарство
Дезинформациите и лажните вести не се нова појава, но денес тие имаат многу поголем потенцијал да наштетуваат поради природата на комуникациските платформи преку кои најчесто се пренесуваат. Ова е главниот заклучок од синоќешната дебата „Како да справиме со дезинформациите и лажните вести“ што ја организираше Институтот за комуникациски студии во рамки на Неделата против лажните вести.
Работилница против лажните вести со студенти
Учесници на последната работилница за препознавање на лажни вести во рамки на Неделата против лажните вести беа студентите од прва и втора година по новинарство и односи со јавност од Правниот факултет „Јустинијан Први“. Низ интересни примери и дискусија со предавачите Зоран Димитровски и Михајло Лахтов, студентите учеа како да ги препознаат лажните вести, како да ги анализираат медиумските пораки и зошто е важно постојано медиумски да се описменуваме.