Преку оваа иницијатива сакаме да постигнеме две поенти. Првата е да направиме притисок до локалната власт да биде потранспарентна во трошењето на општинскиот буџет, особено парите за заштита на животната средина. Втората е што заедно со учениците ќе испратиме апел до жителите на Струга да се грижат за околината и езерото.

Викенд е. Луѓето опуштено размислуваат каде да ја запоседнат природата или да фатат навреме маса за кафе во некое од кафулињата на најпозната улица за пиење на кафе во Битола, Широк Сокак. И така да се отепаат неколку саати од викендот. Но, за една група активисти средношколци од Државното средно медицинско училиште „Д-р Јован Калаузи“ од Битола, предводени од нивната професорка, Марија-Магдалена Петковска Микаровска, секој викенд е причина да се извадат ракавици, лопати и гребла, да се купи метла плус и Битола и околината да ја ослободат од ѓубре. Таа е професорка по англиски јазик, нејзините часови се празник за учениците. Го изучуваат