Еразмус+ програма
Еразмус+ е важен дел од нашата образовна и меѓународна работа. Преку оваа програма развиваме партнерства со универзитети, истражувачки институции и организации од Европа, со цел знаењето да се споделува, применува и надградува во различни академски и професионални средини.
Што работиме
Преку проектите во рамките на Еразмус+ учествуваме во развојот на нови курикулуми, онлајн програми, образовни ресурси, виртуелна мобилност и професионални обуки. Овие партнерства отвораат можности за учење преку соработка, размена на искуства и заедничка работа на теми важни за медиумите, комуникациите, медиумската писменост, дигиталната трансформација и писменоста за иднината.
Еразмус+ проекти
BTTF
BTTF
2025 – 2027
Координатор
ИКС
Партнери
6 високообразовни институции од Западен Балкан и Хрватска
Back to the Future: Унапредување на писменоста за иднините преку интерактивни масовни отворени онлајн курсеви (MOOC) на Западен Балкан
Проектот развива интерактивни онлајн курсеви за писменост за иднината, преку кои студентите од Западен Балкан учат да препознаваат трендови, да замислуваат можни иднини и да носат поинформирани одлуки. Програмата ги поврзува писменоста за иднината, дигиталната трансформација, медиумската писменост, климатскиот активизам, човековите права и вештините за идниот пазар на труд.
Futurelit
Времетраење
2026 – 2029
Координатор
ИКС
Партнери
FH JOANNEUM Gesellschaft mbH, Австрија и Универзитет на Приморска, Факултет за менаџмент, Словенија
FutureLit: Подготвени за иднината, дигитално писмени млади
FutureLit ги поврзува писменоста за иднината, дигиталните компетенции и медиумската писменост. Преку Академијата за подготвеност за иднината, младите професионалци и студентите работат на сценарија за иднината, реални предизвици, тимски задачи и практични решенија за промените во образованието, работата и општеството.
Tameli
Времетраење
2026 – 2029
Координатор
Католички Универзитет од Лувен, Белгија
Партнери
14 институции од девет европски земји
Академија за наставници за медиумска писменост во Европа (TAMeLi)
TAMeLi е европски проект од програмата Erasmus+ Teacher Academies, насочен кон унапредување на образованието и професионалниот развој на наставниците во областа на медиумската и дигиталната писменост. Проектот развива нови пристапи, обуки и практични ресурси што ќе им помогнат на сегашните и идните наставници да работат со деца и млади во современата медиумска и дигитална средина.
ИКС е партнер во конзорциумот и придонесува со своето искуство во медиумската писменост, истражувањата, развојот на образовни ресурси и работата со наставници, млади, медиуми и институции.
Мобилност
Еразмус+ мобилност
Преку Еразмус+ програмата, студентите на ИКС можат да реализираат студиски престој во партнерски високообразовни институции во Европа. Мобилноста им овозможува да учат во различна академска и културна средина, да стекнат ново образовно искуство и да ги прошират своите професионални перспективи.
Програмата е наменета за студенти што ги исполнуваат условите за мобилност, а времетраењето на студискиот престој се утврдува согласно правилата на Еразмус+ програмата и договорот со партнерската институција.
покана за партнерство
Заинтересирани за заеднички проект?
Отворени сме за соработка со универзитети, истражувачки центри, граѓански организации, медиуми и професионални мрежи што сакаат да развиваат образовни програми, истражувања и ресурси преку Еразмус+ и други европски иницијативи.
За предлози за партнерство, испратете ни краток опис на идејата, можниот повик, временската рамка и улогата на партнерите.