Услуги
Знаењето на ИКС,
преточено во пракса.
Зад нас се 15 години искуство во организирање настани, спроведување специјализирани обуки и креирање комуникациски стратегии и кампањи. Секоја наша услуга започнува со темелно истражување и се базира на анализа на податоци и проверени факти. Нудиме решенија каде што аналитичката основа се спојува со креативната и практичната изведба. Работиме со институции, граѓански организации, образовни установи, меѓународни организации, медиуми и компании што сакаат јасно да ги претстават своите заложби и проекти, да стигнат до вистинските публики и да остварат долготрајни и видливи резултати.
Наша предност
Секоја услуга ја засноваме на анализа, јавниот интерес и длабоко разбирање на комуникацијата од планирањето и продукцијата до промоцијата, евалуацијата и препораките за следните чекори.
Што нудиме
Истражуваме темелно, комуницираме етички, создаваме трајни промени.
1. Комуникациски стратегии и кампањи
Развиваме стратегии, јавни кампањи и комуникациски планови засновани на истражување, анализа на публиките и јасно поставени цели. Темите ги претвораме во пораки, активности и канали што стигнуваат до вистинската публика.
За кого
Институции, граѓански организации и компании
2. Организирање на настани
Планираме и организираме конференции, семинари, промоции, јавни дискусии и други настани, со јасна програма, логистика, медиумско покривање и промоција. Настаните ги поврзуваме со релевантни содржини и публики, со цел да постигнат видливи резултати.
За кого
Институции, организации и партнерски мрежи
3. Специјализирани обуки
Развиваме обуки и образовни програми за медиумска и дигитална писменост, стратегиска и кризна комуникација, дигитална комуникација, видеопродукција, фотографија, комуникација за животната средина и климатските промени. Знаењето го претвораме во практични вештини што можат веднаш да се применат.
За кого
Институции, медиуми, образовни установи и компании
4. Мултимедијална продукција
Создаваме видеа, поткасти, кратки формати, публикации и дигитални содржини засновани на истражување, факти и јасно раскажување. Сложените теми ги претвораме во содржини што се разбирливи, привлечни и корисни за различни публики.
За кого
Институции, општини, медиуми и меѓународни организации
Од бриф до решение, во четири чекори.
Слушаме
Започнуваме со иницијален бриф, разговор со тимот и јасно дефинирање на потребите, целите, публиките и очекуваните резултати.
Креираме
Подготвуваме пристап, методологија, тим и временска рамка, прилагодени на контекстот, буџетот и обемот на ангажманот.
Реализираме
Ги спроведуваме активностите во договорени фази, со редовна комуникација, споделување на меѓурезултатите и можност за навремено насочување и усогласување.
Испорачуваме решение
Подготвуваме финален продукт, извештај или презентација, со јасни заклучоци, препораки и поддршка за следните чекори.