(Де)конструирај ги медиумите: пораката зад пораката

Проектот беше насочен кон поттикнување на медиумската писменост кај младите преку креативно толкување, анализа и критичко оценување на медиумските содржини.

Проектот „(Де)конструирај ги медиумите: пораката зад пораката“ имаше за цел да ја поттикне медиумската писменост кај младите и да ги охрабри критички да ги анализираат медиумските содржини со кои секојдневно се среќаваат.

Преку проектот, младите беа поттикнати да размислуваат за тоа како се создаваат медиумските пораки, кои значења ги пренесуваат и како тие можат да влијаат врз ставовите, однесувањето и разбирањето на јавноста.

Во рамки на конкурсот „Изрази се преку медиумите“, повеќе од 40 средношколци учествуваа со свои креативни изработки, меѓу кои видеа, фото-приказни и постери. Преку овие формати, тие покажаа дека умеат да ги препознаваат, толкуваат и критички да ги оценуваат медиумските пораки.

Проектот придонесе кон развој на медиумската писменост кај младите, поттикнувајќи ги не само да бидат критички корисници на медиумите, туку и активни создавачи на одговорни и креативни медиумски содржини.