Практична обука: Откриј ги тајните на истражувачкото известување
Практична обука: Откриј ги тајните на истражувачкото известување
Бесплатна регионална обука
12-14 ноември, Скопје
Дали си мотивиран/а новинар/ка кој/а сака да ги изостри своите истражувачки вештини? Или новинар/ка кој/а сака да пробие нови полиња во откривањето скриени приказни? Искористи ја можноста да научиш од искусни истражувачки новинари на нашата бесплатна регионална обука за новинарство, која ќе се одржи од 12 до 14 ноември 2024 година во Скопје.
Преку три динамични работилници, ќе навлезеш подлабоко во полето на истражувачкото известување. Конципирана за новинари и студенти по новинарство, оваа обука ќе те опреми со клучните техники и алатки кои се потребни да ја подигнеш твојата истражувачка работа на следно ниво. Следи ги сите три работилници за да стекнеш сеопфатно разбирање за истражувачко известување или избери поединечни работилници според твоите интереси и цели во кариерата. За учесниците надвор од Скопје, обезбедена е поддршка за хотелско сместување и патните трошоци.
Обуката е организирана од Институтот за комуникациски студии (ИКС), во рамките на проектот „Користи факти“, поддржан од Британската амбасада во Скопје.
Што ќе научиш
12 ноември (вторник)
Работилница 1: Тајни извори
- Развивање и заштита на изворите: Ќе разбереш како да создадеш и развиеш мрежа од доверливи извори, да ја процениш нивната веродостојност и да ги заштитиш нивните идентитети во текот на истрагата.
- Градење доверба: Ќе покажеме како да ја стекнеш довербата на изворот со тоа што ќе покажеш дека си веродостојна личност, ќе го покажеш твојот интегритет и јасно ќе ги пренесеш твоите истражувачки цели.
- Ефективен прв контакт: Ќе стекнеш практично искуство во воспоставувањето првичен контакт со потенцијалните извори и ќе научиш техники што ќе можеш да ги примениш без да го загрозиш своето истражување.
13 ноември (среда)
Работилница 2: Истражување луѓе, компании и средства
- Основи на разузнавачките информации од отворени извори (OSINT): Ќе ги совладаш основите на разузнавањето од отворени извори (OSINT) за следење на движењето на луѓе, компании и средства, користејќи јавно достапни информации.
- Составување досиеја: Ќе стекнеш вештини за истражување и составување детални и точни досиеја за поединци и корпорации, за цели на истражувањето.
- Финансиско истражување: Ќе научиш како да забележуваш неправилности и да следиш финансиски текови што можат да откријат корупција или измама.
14 ноември (четврток)
Работилница 3: Планирање истражувачки проекти
- Напредни алатки за истражување: Ќе разбереш како да користиш евиденција за увоз/извоз и за следење авиони и бродови, за да додадеш длабочина и контекст на истражувачките стории.
- Планирање и организација на проекти: Ќе научиш ефикасно да структурираш, управуваш и архивираш обемни истражувачки материјали, водејќи грижа истражувачките проекти да бидат добро испланирани, кохезивни и подготвени за објавување.
На овие работилници ќе добиеш суштински важни совети, техники и алатки за откривање на вистината во кое било општествено поле. До крајот на обуката, ќе можеш и да ги примениш за да откриеш скриени информации, да обелодениш погрешни постапки и да направиш приказни коишто ќе имаат значителен ефект.
Пријави се веднаш!
Не пропуштај ја можноста да научиш нешто ново, да постигнеш личен раст и да се поврзеш со други новинари во регионот кои ја делат страста за откривање на вистината!
Бројот на места е ограничен – пријави се денеска, а најдоцна до 3-ти ноември 2024 година, и направи го првиот чекор кон станување повлијателен истражувачки новинар!
Лице за контакт: м-р Дејан Андонов, програмски координатор на ИКС – ; 071 317 661.
Поддршка за учесниците
Институтот за комуникациски студии ќе обезбеди хотелско сместување за времетраењето на работилниците и ќе ги покрие патните трошоци за учесниците надвор од Скопје.
Флексибилно и практично учење
Ова е прагматично искуство за стекнување нови знаења и практични вештини што може веднаш да се применат. Обуката е осмислена да биде флексибилна и применлива.
- Избери што ќе следиш: можеш да присуствуваш на сите три работилници за да стекнеш сеопфатно разбирање за истражувачкото известување или избери поединечни работилници според твоите интереси и цели во кариерата. Секоја работилница е самостојна сесија, полна со применливи знаења и техники.
- Практично учење: Очекувај да се вклучиш во практични вежби, студии на случај и интерактивни дискусии водени од искусни истражувачки новинари. Фокусот не е на теоријата – она што ќе го научиш ќе можеш да почнеш да го користиш веднаш.
- Сертификат: Без разлика дали ќе присуствуваш на сите три работилница или само на некоја од нив, ќе добиеш сертификат по завршувањето според твоето присуство. Со тоа, не само што ќе ја потврдиш твојата посветеност на развивање на вештините за истражувачко известување, туку и ќе додадеш вредност на твоето професионално портфолио.
Обуката ќе се одвива на англиски јазик.
Запознај го обучувачите: Учи од искусни истражувачки новинари
Искуството што го имаат обучувачите и нивните докажани успеси во откривање корупција и скриено дејствување ќе ги обезбедат вештините потребни за да ги подобриш твоите напори во истражувачкото известување.
Аксел Горд Хумлехе – Истражувачки новинар и добитник на награда Еми
Аксел Горд Хумлехе е истражувачки новинар во шведскиот јавен радиодифузен сервис SVT. Toj e специјализиран во областите на перење пари, корупција и прекугранично известување. Неговата нова книга The Honeytrap („Медена стапица“) ја разоткрива инфилтрацијата на руските безбедносни служби во скандинавските банки, а тој е и финалист на IRE („Истражувачки новинари и уредници“) во 2024 година за документарниот филм Putin’s Spies in Sweden („Шпионите на Путин во Шведска“). Во 2019 година, неговиот тим освои награда Еми за документарниот филм Deceptive Diplomacy – Cover-up by the UN („Измамничка дипломатија – прикривање од ООН“) за убиствата на двајца експерти на ООН во ДР Конго. Следниот проект открива масовно перење пари во балтичките земји од Русија преку Swedbank, најголемата скандинавска банка. Документарниот филм Dirty Banking („Валкано банкарство“) беше номиниран за интернационална награда Еми во категоријата Актуелни теми. Неговата последна приказна открива мито и корупција во Securitas, една од најголемите светски компании за обезбедување.
Алина Тсогоева – Специјалист за следење глобални средства и луѓе
Алина Тсогоева е членка на тимот за истражување и податоци во Проектот за известување за организиран криминал и корупција (OCCRP), од 2018 година. Со седиште во Атина, таа работи како ID истражувач, придонесувајќи во меѓународните истраги преку следење луѓе, компании и средства каде било во светот. Преку нејзината работа во OCCRP, таа обезбедува суштински важни истражувања за некои од најтешките истражувачки проекти. Експертизата на Алина во разузнавачките информации од отворен извор (OSINT) ја прави клучен ресурс за новинарите кои сакаат да ги следат и поврзат меѓународните мрежи на корупција.
Давид Илиески – Специјалист за истражување корупција и криминал
Давид Илиески е член на тимот за истражување и податоци во Проектот за известување за организиран криминал и корупција (OCCRP), од 2020 година. Со седиште во Скопје, работи како ID истражувач, придонесувајќи за проекти за скриено лобирање од тутунската индустрија во Македонија и други клучни меѓународни истраги. Претходно, тој работеше во Истражувачката репортерска лабораторија (ИРЛ), како репортер.