Медиумите имаат клучна улога во промовирањето на родовата еднаквост, и преку нивното известување можат да помогнат во рушење на траидиционалните стереотипи поврзани со родот. Последниве неколку години бевме сведоци на случаи каде што медиумите потфрлија во оваа своја улога (види: Јавна соба).

Повеќе граѓански организации и институции со години укажуваат на недостигот од урамнотежена родова застапеност во медиумското известување во Македонија.

Со цел соочување со предизвиците на медиумите во овој поглед, ИКС организира онлајн работилница на која ќе се дискутираат клучните проблеми и предизвици на медиумите при нивното известување за родови прашања, и стандардите и принципите кои тие можат да ги применуваат во своите идни известувања на овие теми.

Придружете ни се на 20 април (среда), во 11:00 часот на платформата Зум.

ЛИНК ЗА РЕГИСТРАЦИЈА

Настанот се организира во рамки на проектот „Мрежа за известување за разновидност 2.0“ чиј главен имплементатор е Институтот за разновидност на медиумите во Западен Балкан, а во кој партнерски организации се ИКС, Центарот за истражувачко новинарство Црна Гора, Центарот за истражувачко новинарство Босна и Херцеговина, Албанскиот институт за медиуми и Косово 2.0.

Мрежата е воспоставена со финансиска поддршка од Европската унија, Балканската фондација за демократија, проект на Германскиот Маршалов Фонд на САД и Кралската Норвешка амбасада во Белград.

Агенда за настанот

среда (20 март), 11:00 ч. (Zoom)