Претседателските избори во Северна Македонија кои се одржаа во 2024 година се карактеризираа со жесток дискурс на социјалните мрежи кој честопати беше насочен против жените кандидатки. Оваа студија на случај разгледува колку беше распространет и каква беше природата на родовиот говор на омраза на интернет, при што става акцент само на претседателските избори организирани во 2024 година.

Со користење на податоци од EOOH-платформата против говор на омраза, анализирани беа вкупно 1.634 (n=1634) пораки на македонски јазик кои беа собрани во периодот од 1 март до 20 јуни, а кои се однесуваат на предизборниот и на постизборниот период. Истражувањето беше спроведено од ИКС во соработка со Текстгејн (Textgain) и имаше за цел да направи проценка на степенот на штетен и токсичен говор кој беше насочен против овие кандидати, а можеше да се забележи на Фејсбук и на Икс (Твитер).