Истражувањето „Ранливост на дезинформации кај различни групи граѓани во Северна Македонија“ има за цел да ги утврди индивидуалните фактори, мотиви и бариери за препознавање и за справување со дезинформациите на ранливите групи граѓани (млади меѓу 18 и 28 години, лица над 60 години, и приматели на социјална помош), како и да ја утврди поврзаноста на медиумската писменост со препознавање дезинформации во интернет-вести. ИКС го изработи истражувањето во рамките на проектот „Користи факти“ со поддршка од Британската амбасада во Скопје.