„(Де)конструирање на медиумите“ – Фондација Евенс

Проектот беше насочен кон развој на медиумската и дигиталната писменост кај средношколците преку стекнување вештини за анализа, декодирање и создавање медиумски содржини.

Проектот „(Де)конструирање на медиумите“ имаше за цел да ги зајакне вештините на средношколците за критичка анализа, разбирање и создавање медиумски содржини.

Во рамки на проектот беа организирани работилници за ученици и професори од средни училишта кои работат во областа на новинарството, пишувањето и дигиталните технологии. Учесниците имаа можност да научат повеќе за значењето на медиумската и дигиталната писменост, како и за влијанието на медиумите врз ставовите, однесувањето и јавната комуникација.

Преку практична работа, учениците стекнуваа знаења и вештини за продукција на медиумски содржини, но и за одговорно и критичко користење на медиумите. Проектот ги поттикна младите подобро да ги препознаваат медиумските пораки, да ги разбираат нивните значења и самостојно да создаваат содржини.

Во рамки на проектот беа предвидени и онлајн ресурси наменети за училиштата, учениците, наставниците и родителите. Ресурсите содржеа практични и етички насоки за различни теми поврзани со медиумската и дигиталната писменост и беа достапни преку платформата „Медиум“.

Проектот придонесе кон развој на медиумската писменост во средното образование и кон поголема вклученост на младите во критичко, креативно и одговорно користење на медиумите.