Отворен повик за автори на Рес публика
ИКС ги повикува сите заинтересирани автори да поднесат пријава за да станат дел од тимот на соработници/автори на блогот Рес публика.
За Рес публика
Рес публика е академски блог на Институтот за комуникациски студии (ИКС) кој преку блогови, анализи, поткасти и други содржини создава мрежа од професори, аналитичари, истражувачи, новинари, граѓански активисти, и стручњаци од различни професии која анализира прашања од јавен интерес.
Рес Публика воспоставува соработка со медиуми и веб-платформи во Македонија и регионот (Албанија, Косово, Србија, Црна Гора, Хрватска, Грција, БиХ) што креира простор за соработка на избраните автори со овие медиуми преку реобјавување на содржини и/или креирање на оригинална содржина за тие платформи.
Текстовите на Рес публика можат да бидат обработени во следниве области (листата не е исцрпна):
- Политика
- Економија
- Човекови права
- Медиуми и новинарство
- Животна средина
- Медиумска писменост
- Дезинформации
- Технологија
- Говор на омраза
- Образование
- Право
- Социологија
- Здравство
- Социјални права
Што е потребно за пријава
За пријава потребно е да се испрати мејл на со назнака „Пријава за автор на Рес публика“, заедно со кратка професионална биографија и наведени три предлог теми за блог. Вклучување на линкови до претходно објавени авторски текстови е препорачливо.
Пријавите треба да бидат испратени најдоцна до 1 ноември (вторник).
Избраните кандидати/ки ќе бидат поканети да го изработат својот прв текст за Рес публика.
*Ангажманот не предвидува засновање на редовен работен однос со ИКС.
**За одобрените текстови следува авторски хонорар.