Покана за настан: Градски решенија засновани врз природата – пат до одржлива иднина

Градовите низ Европа, а особено градовите низ Западен Балкан се соочени со поголеми притисоци: топли лета и топлотни бранови, поплави, лош квалитет на амбиентален воздух како и сè поголемата потреба за нови простори за живеалишта.

Сето ова ги прави градовите многу непријатни места за живеење, каде граѓаните секојдневно се соочуват со различни ризици кои влијаат на нивното здравје и живот. Решенијата засновани врз природата претставуваат иновативни, ефикасни и одржливи начини, преку кои градовите може да се справат или барем да ублажат дел од опасностите – преку употреба на природата како главен водич во градењето на одржливи заедници.

Институтот за комуникациски студии (ИКС) Ве поканува да ја проследите јавната презентација и дискусија „Градски решенијата засновани врз природата – пат до одржлива иднина“, што ќе се одржи на 29 септември 2025, почнувајќи од 10:00 часот, во хотелот „Солун“ – Скопје.

Регистрирајте го вашето учество на линкот: https://forms.gle/26vVCQpqSFdJQcmN7

На овој настан ќе се презентираат сите анализи и резултати, добиени од истражувањата на ИКС кои даваат одговор на тоа како на правилен и одржливи начин може да се градат одржливи градови и заедници преку искористување на урбани решенија засновани врз природата кои одговараат на локалниот социјален и климатски контекст.

На јавната дискусија ќе се отстапи време и простор на присутните да ги изнесат своите ставови и гледишта кон тоа во кој правец треба да се развиваат големите урбани заедници во Македонија, како и да постават прашања кои би помогнале во создавање на одржливи заедници непосредно пред локалните избори во државата.

Дневен ред

Конференцијата се организира во рамките на проектот „Градски пристап кон забрзување на решенија засновани на природата преку Регенеративен урбан светилник на ЕУ (UPSURGE) “, кој е поддржан од Европската Унија.