Конференција: Одговорни институции преку зголемена транспарентност и политичка комуникација
Транспарентноста на институциите и отворената политичка комуникација се клучни за градење доверба помеѓу граѓаните и власта. Кога институциите искрено и јасно ги споделуваат информациите за своите одлуки и активности, тоа овозможува граѓаните да бидат информирани, да учествуваат во дебати и да влијаат на одлуките што ги засегаат.
Институтот за комуникациски студии (ИКС) Ве поканува да ја проследите конференцијата „Одговорни институции преку зголемена транспарентност и политичка комуникација“, што ќе се одржи на 04 декември 2024 година, почнувајќи од 13:00 часот, во хотелот „Холидеј ин“ – Скопје.
Конференцијата ќе отвори дебата за унапредување на транспарентноста и отчетноста на јавните институции и политичките актери, преку подобрување на стандардите на политичка комуникација.
Воведни обраќања на конференцијата ќе имаат Жанета Трајкоска, директорка на ИКС, Христијан Мицкоски, Претседател на Владата на РСМ, и Даниел Филер, вршител на должност, Британска амбасада во Скопје. Посебно внимание ќе биде посветено на одговорноста на политичките актери и институциите за искрена и ефективна комуникација со јавноста, особено во чувствителните предизборни и изборни периоди, како и на улогата на медиумите во известувањето за политичките процеси.
Сите заинтересирани треба да се регистрираат за учество на конференцијата најдоцна до 1 декември (недела).
*За учесниците кои доаѓаат надвор од Скопје ќе бидат покриени патните трошоци во износ на автобуски билет.
Конференцијата е организирана од Институтот за комуникациски студии во рамките на проектот „Користи факти“, кој е поддржан од Британската амбасада во Скопје.
Лице за контакт: Александра Теменугова, програмски менаџер –
ДНЕВЕН РЕД
| Време | Сесија |
| 12:30–13:00 | Пријавување |
| 13:00–13:20 |
Поздравни обраќања д-р Жанета Трајкоска, директорка на Институтот за комуникациски студии д-р Христијан Мицкоски, Претседател на Владата на РСМ Даниел Филер, вршител на должност, Британска амбасада во Скопје |
| 13:20–14:30 | Сесија 1: ДЕМОКРАТСКО НАЗАДУВАЊЕ: ВЛИЈАНИЕТО НА ШТЕТНИТЕ НАРАТИВИ И ПОЛИТИКАТА НА МОЌТА
Откривање на корените на токсичната политика: Презентација на деветмесечното истражување на ИКС за штетните политички наративи во Северна Македонија Клучни наоди од изборниот мониторинг на ОБСЕ-ОДИХР во Северна Македонија Како можеме да ги сочуваме демократските вредности, етичките стандарди и јавната доверба во ерата на пост-вистина во политиката? Криза на довербата: Како токсичната реторика влијае на медиумите и институционалната стабилност Модератор: Ива Ненадиќ, Центар за медиумски плурализам и слобода при Институтот на Европскиот универзитет, Фиренца, Италија |
| 14:30–15:00 | Прашања и одговори |
| 15:00–15:15 | Кафе пауза |
| 15:15–16:15 | Сесија 2: ПОВРШНО наспроти БАВНО НОВИНАРСТВО – МОЖАТ ЛИ МЕДИУМИТЕ ДА ПОМОГНАТ ВО ВРАЌАЊЕТО НА ЈАВНАТА ДОВЕРБА?
Поуки од праксата: Како медиумите можат да ја поттикнат одговорноста во македонската политика Како Владата на Северна Македонија дава приоритет на отвореноста при градењето доверба Можеме ли да слушаме погласно? Конструктивното новинарство како лек за поларизацијата Кон повисоки стандарди на одговорност во новинарството Модератор: Александра Теменугова, програмски менаџер во ИКС |
| 16:15–16:45 | Прашања и одговори |
| 16:45–17:00 | Заклучоци |
| 17:00 | Коктел |
Transparenca e institucioneve dhe komunikimi i hapur politik janë thelbësore për ndërtimin e besimit midis qytetarëve dhe qeverisë. Kur institucionet ndajnë në mënyrë të ndershme dhe të qartë informacionin për vendimet dhe aktivitetet e tyre, kjo lejon që qytetarët të informohen, të marrin pjesë në debate dhe të ndikojnë në vendimet që i prekin ata.
Instituti për Studime të Komunikimit (IKS), Ju fton të merrni pjesë në konferencën “Institucionet përgjegjëse përmes rritjes së transparencës dhe komunikimit politik“, që do të mbahet më 4 dhjetor 2024, duke filluar nga ora 13:00, në Hotel Holiday Inn – Shkup.
Konferenca do të hapë një debat mbi promovimin e transparencës dhe llogaridhënies së institucioneve publike dhe aktorëve politikë duke përmirësuar standardet e komunikimit politik.
Fjalime hyrëse në konferencë do të mbajnë Zhaneta Trajkoska, drejtoreshë e IKS-së, Hristijan Mickoski, kryetar i Qeverisë së RMV-së dhe Daniel Filer, ushtrues detyre i Ambasadës Britanike në Shkup. Vëmendje e veçantë do t’i kushtohet përgjegjësisë së aktorëve dhe institucioneve politike për komunikim të ndershëm dhe efektiv me publikun, veçanërisht në periudha të ndjeshme parazgjedhore dhe zgjedhore, si dhe rolit të mediave në raportimin për proceset politike.
Të gjitha palët e interesuara duhet të regjistrohen për të marrë pjesë në konferencë jo më vonë se data 1 dhjetor (e diel).
* Shpenzimet e udhëtimit në shumën e një bilete autobusi do të mbulohen për pjesëmarrësit që vijnë nga jashtë Shkupit.
Konferenca organizohet nga Instituti për Studime të Komunikimit (IKS) në kuadër të projektit “Përdor fakte”, i cili mbështetet nga Ambasada Britanike në Shkup.
Personi për kontakt: Aleksandra Temenugova, Menaxhere e Programit
AGJENDA
| Ora | Sesioni |
| 12:30-13:00 | Regjistrimi |
| 13:00–13:20 |
Fjalime përshëndetëse dr. Zhaneta Trajkoska, drejtoreshë e Institutit për Studime të Komunikimit (ISK) dr. Hristijan Mickoski, Kryetar i Qeverisë së Republikës së Maqedonisë së Veriut Daniel Filer, ushtrues detyre, Ambasada Britanike në Maqedoninë e Veriut |
| 13:20–15:00 | Sesioni 1: ZMBRAPSJA DEMOKRATIKE? NDIKIMI I NARRATIVEVE TË DËMSHME DHE POLITIKËS SË PUSHTETIT
Zbulimi i rrënjëve të politikës toksike: Prezantimi i hulumtimit nëntëmujor të IKS-së, mbi narrativet e dëmshme politike në Maqedoninë e Veriut Gjetjet kryesore nga Monitorimi i Zgjedhjeve të OSBE-ODIHR në Maqedoninë e Veriut Si mund të ruajmë vlerat demokratike, standardet etike dhe besimin e publikut në një epokë të politikës pas të vërtetës? Kriza e besimit: Si ndikon retorika toksike në mediat dhe stabilitetin institucional Moderator: Iva Nenadić, Hulumtuese, Qendra për Pluralizëm dhe Liri të Medias, Instituti Universitar Evropian, Firence, Itali |
| 14:30–15:00 |
Sesion për pyetje dhe përgjigje |
| 15:00–15:15 |
Pauzë për kafe |
| 15:15–16:15 | Sesioni 2: GAZETARIA SIPËRFAQËSORE kundrejt GAZETARISË SË NGADALTË – A MUND TË NDIHMOJNË MEDIAT NË RIVENDOSJEN e BESIMIT TË PUBLIKUT?
Mësime nga praktika: Si media mund të nxisë llogaridhënien në politikën maqedonase Si Qeveria e Maqedonisë së Veriut i jep prioritet hapjes gjatë ndërtimit të besimit A mund të dëgjojmë më zëshëm? Gazetaria konstruktive si kurë për polarizimin Drejt standardeve më të larta të llogaridhënies në gazetari Moderator: Aleksandra Temenugova, Menaxhere e Programit në IKS |
| 16:15 – 16:45 |
Pyetje dhe përgjigje |
| 16:45 – 17:00 |
Konkluzione |
| 17:00 |
Koktel |
Говорници
д-р Жанета Трајкоска
д-р Жанета Трајкоска е вонреден професор и директорка на Институтот за комуникациски студии во Скопје. Таа e дипломиран новинар, магистер по комуникација и менаџмент и доктор по политички науки. Работи како научен соработник и истражувач во областа на медиумите и новинарството, односите со јавноста и политичката комуникација. Има повеќе од 25-годишно искуство во водење меѓународни и домашни проекти за медиуми и новинарско образование, стратегиски комуникации, кампањи од јавен интерес и развивање студиски програми за новинарство и односи со јавноста. Трајкоска е една од основачите на Македонскиот прес-центар, Македонскиот институт за медиуми, како и на Високата школа за новинарство и односи со јавноста и Институтот за комуникациски студии.
д-р Ива Ненадиќ
Ива Ненадиќ е научен координатор на Центарот за медиумски плурализам и слобода на медиумите при Европскиот универзитетски институт и доцент по новинарство на Факултетот за политички науки на Универзитетот во Загреб. Таа го проучува медиумскиот плурализам и интегритетот на политичката информативна сфера во контекст на растечката моќ на технолошките компании и нивните меѓусебни политички и деловни интереси. Таа е член на Комитетот на експерти за влијанијата на генеративната вештачка интелигенција (GenAI) за слобода на изразување (MSI-AI) при Советот на Европа и во Управниот комитет на Европската опсерваторија за дигитални медиуми (EDMO).
д-р Елеонора Серафимовска
Д-р Елеонора Серафимовска е редовен професор во Институтот за социолошки и политичко-правни истражувања (Универзитет „Св. Кирил и Методиј“ ‒ Скопје) од 1996 година. Теоретскиот и истражувачки интерес на Серафимовска се од областа на човечката интеракција и комуникација, личниот и колективниот идентитет, политичките ставови и вредности, масовните комуникации и комуникација во кибер-просторот. Ги држи предметите Комуникациски истражувачки методи и Медиумска психологија.
Ноеми Арчидиачоно
Ноеми Арчидиaчоно моментално работи како соработник за проекти на ОДИХР за проектот ОБСЕ/ОДИХР за поддршка на изборните реформи во Западен Балкан. Претходно работела како политички аналитичар за време на Набљудувачката мисија за изборите на ОБСЕ/ОДИХР (НМИ) во Северна Македонија во 2024 година. Во текот на нејзината кариера има учествувано во набљудувачки мисии за избори на ОБСЕ/ОДИХР како краткорочен набљудувач, долгорочен набљудувач и политички аналитичар во неколку земји. Дополнително, има работено во мисии на ЕУ за помош за изборите во различни африкански земји. Претходно во нејзината кариера Ноеми била активно вклучена во невладиниот сектор, каде што била соосновач и раководител на организација фокусирана на мисии за набљудување на изборите предводени од младите.
д-р Аленка Јелен
Д-р Аленка Јелен е вонреден професор и раководител на Одделот за комуникации, медиуми и култура на Универзитетот во Стерлинг. Нејзините истражувања фокусирани на политичката комуникација, родот во медиумите и односите со јавноста и здравствената комуникација се објавени во меѓународни академски списанија, вклучително и Public Relations Inquiry, British Politics и Public Relations Review. Таа моментално е уредник на водечкото критичко списание за односи со јавноста Public Relations Inquiry.
д-р Вацлав Штетка
Вацлав Штетка е вонреден професор по компаративна политичка комуникација на Универзитетот Лафборо во Обединетото Кралство, каде што работи од 2016 година. Претходно работел на академски и истражувачки позиции на Универзитетот Масарик во Брно, на Карловиот универзитет во Прага и на Универзитетот Оксфорд. Неговите истражувачки интереси ја опфаќаат улогата на медиумите во политичката поларизација и подемот на популизмот и нелиберализмот, како и прашањата за слободата на медиумите и плурализмот. Неговата неодамнешна книга е насловена „Нелибералната јавна сфера: медиумите во поларизирани општества“ (Palgrave 2024, со Сабина Михељ).
Фросина Димеска
Фросина Димеска е новинарка во Балканската истражувачка мрежа БИРН. Таа работи главно на истражувачки стории за корупција, а нејзиниот фокус е на човековите права, транспарентноста, медиумите и други општествено релевантни прашања. Има дваесетгодишно новинарско искуство.
м-р Марија Митева
М-р Марија Митева од октомври 2024 година ја врши функцијата портпарол на Владата на РСМ. Зад себе има повеќе од 10 години прогресивно работно искуство, извршувајќи работни позиции како советничка за правни работи во Владата на РСМ и во Градот Скопје. Пред да биде именувана на актуелната позиција, Митева беше дел од последниот парламентарен состав како пратеничка од редовите на ВМРО-ДПМНЕ, учествувајќи во креирањето и разгледувањето на значајни закони и политички одлуки.
Марија Митева е магистер по деловно право и има положено правосуден испит.
Курт Странд
Курт Странд, роден 1955 година, новинар со седиште во Копенхаген, Данска, со повеќе од 40-годишно искуство во данските медиуми како писател, ТВ- и радиоводител. Во моментов работи со конструктивни алатки и концепти за да се избегне или намали поларизацијата во јавниот простор. Со текот на годините, Курт напишал неколку книги за новинарството и политиката, меѓу другите и „Слушај погласно“, која се осврнува на тоа како медиумите и новинарството можат да се спротивстават на поларизацијата.
Драган Секуловски
Драган Секуловски е директор на Здружението на новинари на Македонија (ЗНМ) и регионален директор на Safejournalists.net, каде што придонесува за унапредување на слободата на медиумите, безбедноста на новинарите и правните реформи во Северна Македонија и Западен Балкан. Тој го привршува својот докторат по безбедносни студии, фокусирајќи се на безбедноста на новинарите и има над 12 години експертиза за медиумска политика, правни реформи и стратегиско планирање во рамките на проекти финансирани од ЕУ и меѓународни организации, како што се КАС, ОБСЕ, СЕ, УНЕСКО и УНДП. Автор е и уредник на бројни публикации за законот за медиуми и безбедноста на новинарите и е член на владини работни групи за закони поврзани со медиумите од 2012 година.
Александра Теменугова
Александра Теменугова е програмски менаџер во ИКС со фокус на унапредување на медиумската писменост. Во ИКС раководи со повеќе проекти, активности и истражувања во областа на новинарството и на медиумите, вклучувајќи го и истражувањето Мерење на политички штетни наративи ШТЕТ-НА. Таа го координираше европскиот проект Македонска коалиција за медиумска писменост (MAMIL) кој Европската комисија во 2019 година го препозна како еден од десетте најдобри проекти за медиумска писменост во Европа. Од 2008 до 2018 година Теменугова ја раководеше студиската програма по новинарство при Високата школа за новинарство и за односи со јавноста во Скопје. Зад себе има седумгодишно искуство како ТВ-новинар.