Токсичниот политички дискурс во Северна Македонија и понатаму е присутен во медиумите, поттикнат од силната поларизација и анонимноста на социјалните мрежи. Во периодот помеѓу 29 септември и 22 декември 2024 година, преку EOOH платформата извршивме следење на вкупно 238 објави (n=238), при што беа добиени сознанија за тоа каков е говорот на омраза насочен кон политичките претставници.

Истражувањето беше спроведено од Институтот за комуникациски студии (ИКС) во соработка со Textgain и имаше за цел да ги процени нивоата на штетни и токсични наративи насочени кон политички личности и присутни на Фејсбук, Твитер и ТикТок.