Постоењето информативен систем за издадени водни дозволи, степенот на загаденост на водите и утврдувањето на изворите на загадување треба да бидат основа за Министерството за животна средина и просторно планирање (МЖСПП) при водењето одржлива политика за водите. Во отсуство на комплетна евиденција на корисници и загадувачи на вода не може да се утврди степенот на штетно влијание, па секоја управна мерка донесена од МЖСПП е паушална. Секој може да испушта штетни и опасни материи без да поседува дозвола, да загадува и притоа да не подлежи на санкција за своето противправно дејствување.