Вести

Одржани четири работилници со новинари за новинарство од јавен интерес

Институтот за комуницикациски студии (ИКС) во октомври и ноември организираше четири работни средби со претставници на различни медиуми во Македонија со цел да се утврди дали и на кој начин во редакциите се практикува новинарство од јавен интерес. На средбите се разговараше дали медиумите имаат свои интерни новинарски кодекси или насоки за продуцирање медиумски содржини, начините на кои се носат одлуки во редакцијата кои содржини ќе бидат публикувани, на кое место, потоа дали се прави разлика меѓу јавен, државен и национален интерес, колку е познат концептот за тестот за јавен интерес и сл.

Повеќе: Одржани четири работилници со новинари за новинарство од јавен интерес

Почна академската година

Новата генерација на постдипломци ја започнаа академската година со предметите Лидерство и управување со комуникации и Стратегиски комуникации и кризно комуницирање. Во текот на едногодишните и двегодишните магистерски студии по Менаџирање на стратегиски комуникации, тие ќе се оспособат да ги детектираат и истражуваат општествените појави во научното поле на комуникациите и да развиваат иновативни концепти за комуникација во различни општествени сегменти.

Повеќе: Почна академската година

Постдипломците дискутираа за значењето и деградацијата на поимот јавност

Односите со јавноста, огласувањето и новинарството имаат клучна одговорност во уништувањето на онлајн јавната сфера ако придонесуваат кон нејзина окупација и злоупотреба заради демонстрирање на нечија власт. За ова постдипломците по менаџирање на стратегиски комуникации дискутираа на средбата со професорот Пеџа Ашанин Голе од Словенија. Тие разговараа за деградацијата на поимот јавност и за улогата на јавноста, јавното, публицитетот, јавната сфера и интернетот во развојот на демократската мисла.

Повеќе: Постдипломците дискутираа за значењето и деградацијата на поимот јавност

Првите магистри ги одбранија нивните трудови

Четири постдипломки на магистерските студии успешно ги одбранија нивните трудови во текот на септември и октомври и се стекнаа со научно звање магистер по менаџирање на стратегиски комуникации. Kомисиите за одбрана ги оценија магистерските работи како научно и стручно издржани, кои можат да служат како дополнување на досегашните достигнувања на теоријата и праксата. Покрај тоа што претставуваат интересно четиво од академски аспект, магистерските работи имаат и практична тежина и можат да се препорачаат на сите професионалци кои работат во областа на комуникациите.

Повеќе: Првите магистри ги одбранија нивните трудови

Приклучи се на блогерите за јавен интерес

Иницијативата за дигитално граѓанство ResPublica ги повикува сите професори, студенти, медиумски и политички експерти, јавни службеници и други професионалци да се приклучат на иницијативата со пишување на академски блогови за теми за кои имаат докажана експертиза и искуство. Со блоговите треба да се подобри разбирањето кај јавноста за актуелните проблеми во општеството и да се понудат одржливи решенија содржани во академски статии и истражувања.

Повеќе: Приклучи се на блогерите за јавен интерес

Одговорно и отчетно владеење ќе овозможи остварување на јавниот интерес

Поголема транспарентност во работата на власта и овозможување суштинска дебата која ќе ги канализира ставовите на различни групи граѓани, се предуслови за одговорно и отчетно владеење. Само на овој начин ќе може целосно да се остварува јавниот интерес, кој во Македонија различни елити на моќ неретко го инструментализираат. Ова е еден од заклучоците од денешната конференција што ја организираше Институтот за комуникациски студии (ИКС) во рамки на проектот „Изразување на јавниот интерес: зголемување на моќта на медиумите и граѓаните во штитењето на јавните политики во Македонија“.

Повеќе: Одговорно и отчетно владеење ќе овозможи остварување на јавниот интерес

Промовиран е проектот „Изразување на јавниот интерес“

Институтот за комуникациски студии (ИКС) денеска го промовираше проектот „Изразување на јавниот интерес: зголемување на моќта на медиумите и граѓаните во штитењето на јавните политики во Македонија“, кој има за цел да ја подигне свеста на граѓаните и на медиумските професионалци за значењето на јавниот интерес во одржувањето на принципите на доброто управување.

Повеќе: Промовиран е проектот „Изразување на јавниот интерес“

Истражувачи, новинари и студенти се обучуваа за академско блогирање

Повеќе од 30 учесници го следеа вебинарот за академско блогирање што го организираше Институтот за комуникациски студии во рамки на проектот „Изразување на јавниот интерес“. Млади истражувачи, студенти, новинари и колумнисти добија корисни совети како да напишат успешен академски блогпост заснован на научни наоди и податоци, но со кој на разбирлив начин ќе ја информираат пошироката јавност за актуелни комплексни прашања во општеството.

Повеќе: Истражувачи, новинари и студенти се обучуваа за академско блогирање

Запиши се на магистерските студии

Институтот за комуникациски студии (ИКС) го распиша конкурсот за запишување на едногодишните и двегодишните магистерски студии по менаџирање на стратегиски комуникации. Преку студиите ќе ги надградиш комуникациските, претприемничките и лидерските способности, ќе го демонстрираш твојот успех преку апликативни проекти и ќе изградиш цврста мрежа со етаблирани професори и професионалци.

Повеќе: Запиши се на магистерските студии

Јакнење на медиумите и граѓаните за заштита на јавниот интерес

Институтот за комуникациски студии развива активности за подигнување на свеста на граѓаните и едуцирање на медиумските професионалци за значењето на јавниот интерес во одржувањето на принципите на доброто управување. Наредните две години, во рамки на проектот „Изразување на јавниот интерес: Јакнење на медиумите и граѓаните за заштита на јавната политика во Македонија“, ИКС (1) ќе креира документи за јавни политики и ќе организира дискусии по нив, (2) ќе развива редакциски уредувачки упатства за чување на јавниот интерес, вклучувајќи и тест за јавен интерес и (3) ќе ги поттикнува граѓаните и експертите на онлајн учество во јавната сфера преку блогот „Res Publica“.

Повеќе: Јакнење на медиумите и граѓаните за заштита на јавниот интерес

Процена на студиските програми по новинарство на Балканот

Високата школа за новинарство и за односи со јавноста ќе учествува во компаративна процена на студиските програми за новинарство во седум балкански држави преку Новинарскиот проект „Некст“ (Journalism NEXT Project). Целта на овој истражувачки проект е да утврди дали наставните програми во Македонија, Косово, Албанија, Србија, Босна и Херцеговина, Црна Гора и Турција ги задоволуваат специфичните потреби на овие земји во однос на притисокот за демократизација.

Повеќе: Процена на студиските програми по новинарство на Балканот

Радио емисии низ целиот Балкан преку проектот Екс-Ју

Студенти на Високата школа ќе работат радио емисии со нивни колеги од Виена и од Сараево. Во текот на следните две години, студентите од трите земји, ќе се обучуваат во Австрија, Македонија и Босна и Херцеговина.

Повеќе: Радио емисии низ целиот Балкан преку проектот Екс-Ју